لما تطلب
بناخد الاسم ورقم الموبايل والمحافظة والعنوان وأي ملاحظات تكتبها، ومكانك على الخريطة لو حددته، والتصميم بتاعك وملفات الطباعة بتاعته. بنستخدمهم عشان نكلمك نأكد الطلب، ونطبعه، ونوصله لك. مبنستخدمهمش في أي حاجة تانية.
لو سجلت دخول بجوجل
جوجل بيدينا اسمك وإيميلك وصورة حسابك بس. مبنعرفش الباسورد بتاعك ومبنوصلش لأي حاجة تانية في حسابك. على حسابك عندنا بنحفظ طلباتك وسلتك وبيانات التوصيل من آخر طلب، عشان صفحة الطلب تتملى لوحدها المرة الجاية. تقدر تعدل بيانات التوصيل أو تمسحها من صفحة حسابي في أي وقت.
لما تأكد رقمك على واتساب
عشان نتأكد إن رقم الموبايل بتاعك فعلا، بتبعتلنا رسالة على واتساب فيها كود. بنقارن الرقم اللي الرسالة جت منه بالرقم اللي كتبته، وبنفتكر إنه اتأكد عشان متأكدش تاني. الرسالة بتعدي على واتساب زي أي رسالة عادية.
الكوكيز
بنستخدم كوكيز لازمة لشغل الموقع بس:
- كوكي السلة: بيفتكر سلتك لو مش مسجل، 30 يوم.
- كوكي تسجيل الدخول: لو سجلت بجوجل بس، 60 يوم.
- كوكيز صغيرة بتقول للهيدر عدد القطع في السلة وإنك مسجل.
- كوكي بيفتكر الأرقام اللي أكدتها على الجهاز ده، سنة.
- كوكي بيسمح لك تحفظ الطلب اللي لسه عامله في حسابك، 6 ساعات.
- كوكي أمان للفورمز بيمنع حد يبعت طلب باسمك من موقع تاني.
مين بيشوف بياناتك
- إحنا، عشان نجهز طلبك ونكلمك.
- المندوب اللي بيوصل الطلب: الاسم والموبايل والعنوان بس.
- جوجل، لو سجلت بيه.
- واتساب، اللي بيوصل رسالة تأكيد الرقم.
- OpenStreetMap، اللي بيحمّل صور الخريطة في صفحة الطلب.
- خدمة فراسة (Farasa)، لما تطلب من الاستوديو يشكّل كلام: بنبعتلها الكلام ده بس.
بنحتفظ بيها قد إيه
- سلة الزائر بتتمسح لوحدها بعد 30 يوم من غير استخدام.
- الطلبات بنحتفظ بيها كسجل للبيع.
- حسابك بيفضل لحد ما تمسحه.
حقوقك ومسح الحساب
حسب قانون حماية البيانات الشخصية المصري رقم 151 لسنة 2020، من حقك تعرف بياناتك وتصححها وتطلب مسحها. تقدر تمسح حسابك بنفسك من صفحة حسابي: ده بيمسح اسمك وإيميلك وصورتك وبيانات التوصيل والسلة والأرقام اللي أكدتها. الطلبات اللي عملتها بتفضل عندنا كسجل للبيع، بس من غير ما تكون مربوطة بأي حساب.
تواصل معانا
أي سؤال عن بياناتك، كلمنا: